काठमाडौं । स्कटल्याण्ड राष्ट्रिय क्रिकेट टोलीका मुख्य प्रशिक्षक शेन बर्गरले नेपालका क्रिकेट समर्थक मैदानमा धेरै आउने बताएका छन् ।
मंगलबारबाट त्रिवि मैदान किर्तिपुरमा सुरु हुने सिरिजको अगाडी आयोजित पत्रकार सम्मेलनमा बर्गरले मैदानमा १० देखी १५ हजार समर्थक आउने अनुमान रहेको बताएका छन् ।
'नेपालमा क्रिकेटलाई माया गर्ने धेरै समर्थक मैदानसम्म आउनु हुन्छ । धेरै समर्थक आउने अपेक्षा छ । १० देखि १५ समर्थक मैदानमा आउनु हुन्छ होला ,' बर्गरले भने 'क्रिकेट मैदान समर्थकहरुले भरिने छ र हामीले राम्रो क्रिकेट खेल्नेछौ ।'
सिरिजको अन्तिम चार खेल्न नेपाल आएको स्कटल्याण्ड ४ मध्ये २ खेल जितेमा शीर्ष स्थानमा रहँदै यो लिग समाप्त गर्न चाहान्छ । यस सिरिजमा सात राष्ट्र सहभागी रहेकोमा प्रत्येक राष्ट्रले ३६ खेल खेल्ने जियम रहेको छ ।
'हाम्रो लागि हरेक गेमहरु महत्वपूर्ण रहेको छ । कुनै पनि खेललाई हामीले सामान्य मानेका छैनौ । हाम्रो पहिलो प्रतिद्वन्दीका रुपमा रहेको नामिबिया पनि बलियो टोली हो । हामीले यो नेपालमा पहिलो पटक खेल्न लागेको भएर कठिन त छ तर,यस सिरिजमा कम्तिमा पनि दुई खेल जितेर लिग टूको च्याम्पियन बन्न चाहान्छौं ,' मुख्य प्रशिक्षक बर्गरले भने 'यहाँको वातावरण फरक पायौं तर,खेलाडी भईसकेपछि हामीले सबै कुरामा मिल्नु पर्ने हुन्छ । यहाँ मौसम मात्र नभई संस्कृती,क्रिकेट पीच सबै फरक पायौं ।'
नेपालको पाहुना सत्कारको परिपाटीबाट खुसि व्यक्त गरेका बर्गरले नेपालमा हुने खेलमा धेरै मात्रामा समर्थक आउने तथा आफुहरुले राम्रो क्रिकेट खेल्ने बारम्बार बताए ।
सिरिज फेब्रुअरी १४ देखि २१ सम्म हुनेछ । सिरिजको पहिलो खेलमा नेपालले नामिबियासँग खेल्नेछ । जुन खेल फेब्रुअरी १४ मा हुनेछ । यस्तै नेपालले दोस्रो खेलमा स्कटल्याण्डसँग फेब्रुअरी १७ मा खेल्नेछ ।
नेपालले फेब्रुअरी १८ मा नामिबियासँग दोस्रो खेल खेल्दा स्कटल्याण्डसँग फेब्रुअरी २१ मा पुन: खेल्नेछ । स्कटल्याण्डले नामिबियासँग खेल्दै सिरिजको सुरुआत गर्नेछ ।
-1753270648.jpeg)
