काठमाडौं । घरेलु टोली भारतका स्पिनर रविचन्द्रन आश्विनले ५ विकेट लिए पछि पाहुना टोली अष्ट्रेलियासँगको पहिलो टेस्ट एक ईनिङ अगावै जितेको छ ।
नागपुरमा भएको पहिलो टेस्टको तेस्रो दिनमा नै घरेलु टोलीले १ ईनिङ १ सय ३२ रनको जित हात पारेको हो ।
भारतले पहिलो पारीमा २ सय २३ रनको अग्रता लिएकोमा दोस्रो ईनिङको ब्याटिङ सुरु गरेको पाहुना टोली ९१ रनमा नै अलआउट भएपछि सिरिज भारतले जितेको हो ।
पाहुना टोलीका लागि स्टिभ स्मिथले अविजित २५ रन बनाउँनु बाहेक अन्यले राम्रो खेल्न सकेनन् ।
भारतका लागि रविचन्द्रन आश्विनले ५ तथा मोहम्मद सामी र रविन्द्र जडेजाले समान २/२ विकेट लिए ।
पाहुना टोली अस्ट्रेलियाका लागि स्पिनर टोड मुर्फिले ७ विकेट लिए पछि अस्ट्रेलियाविरुद्धको पहिलो टेस्टको पहिलो पारीमा भारतले २ सय २३ रनको अग्रता बनाएको छ । भारत तेस्रो दिनको पहिलो सेसनमा ४ सय रनमा अलआउट भएको थियो ।
घरेलु टोलीका लागि पहिला ईनिङमा कप्तान रोहित शर्माले २ सय १२ बलमा १ सय २० रनको शतकीय ईनिङ खेले । रविन्द्र जडेजा ७० र अक्षर पटेल ८४ रनमा आउट भए ।
मोहम्मद सामी ३७ रनमा आउट हुँदा रविचन्द्रन आश्विन २३ रनमा आउट भए । केएल राहुलले २० रन बनाउँदा विराट कोहलीले १२ रन बनाए । यस्तै टेस्टमा डेब्यु गरेका सुर्यकुमार यादव र केएस भरतले समान ८र८ रन बनाए ।
पाहुना टोलीका टोड मुर्फिले ४७ ओभरमा १ सय २४ रन दिएर ७ विकेट लिए । उनले यसै टेस्टमा डेब्यु गरेका थिए । मुर्फिले केएल राहुल,रविचन्द्रन आश्विन,विराट कोहली,चेतेश्वर पुजारा,मोहम्मद सामी,रविन्द्र जडेजा र केएस भरतको विकेट लिए ।
कप्तान प्याट कमिन्स २ र नेथन लायनले १ विकेट लिए ।
त्यसअघि पहिलो पारीमा भारतका स्पिनर रविन्द्र जडेजाले महत्वपुर्ण ५ विकेट लिए पछि घरेलु टोलीले पहिलो टेस्टको पहिलो ईनिङमा पाहुना टोली अस्ट्रेलियालाई १ सय ७७ रनमा रोकेको थियो ।
नागपुरमा बिहिबारबाट सुरु पहिलो टेस्ट खेलको पहिलो दिन नै पाहुना टोलीले अलआउट हुँदै १ सय ७७ रन मात्र बनाउन सक्यो ।
टस जितेर पहिले ब्याटिङ गरेको पाहुना टोली पहिलो दिनको तेस्रो सेसनमा अलआउट हुनुपुर्व मात्र १ सय ७७ रन बनायो ।
पाहुना टोलीका लागि मार्नुस लाबुस्छानले ४९ रन बनाउँदा स्टिभ स्मिथले ३७ रन बनाए । एलेक्स केरी ३६ रनमा आउट हुँदा पिटर ह्यान्डसकमले ३१ रन बनाए ।
घरेलु टोलीका लागि रविन्द्र जडेजाले २२ ओभरमा ४७ रन दिएर ५ विकेट लिए । उनले मार्नुस लाबुस्छान,स्टिभ स्मिथ,म्याट रेन्शा,पिटर ह्यान्डसकम र टोड मुर्फिलाई आउट गराए ।
रविचन्द्रन आश्विनले ३ तथा मोहम्मद सामी र मोहम्मद सिराजले समान १/१ विकेट लिए ।
भारत र अस्ट्रेलियाबीच चार खेलको टेस्ट सिरिजअन्तर्गतको पहिलो खेल बिहिबारबाट सुरु भएको हो ।
यो जितसँगै घरेलु टोलीले अस्ट्रेलियाविरुद्धको चार खेलको टेस्ट सिरिजमा १-० को अग्रता बनाएको छ ।
दोस्रो टेस्ट आगामी शुक्रबारबाट रहेको छ ।
-1753270648.jpeg)
