मुर्फिलाई डेब्युमा सात विकेट : भारतलाई २ सय २३ को अग्रता

काठमाडौं । पाहुना टोली अस्ट्रेलियाका लागि स्पिनर टोड मुर्फिले ७ विकेट लिए पछि अस्ट्रेलियाविरुद्धको पहिलो टेस्टको पहिलो पारीमा भारतले २ सय २३ रनको अग्रता बनाएको छ । 

दोस्रो दिनको खेल सकिदासम्म घरेलु टोलीले १ सय ४४ रनको अग्रता बनाएको भारतले तेस्रो दिन अलआउट हुनु पुर्व ७९ रन थप्दै अग्रता फराकिलो बनाएको हो । 

तेस्रो दिनको पहिलो सेसनमा ४ सय रनमा अलआउट भयो । दोस्रो दिनको खेल सकिदाँ घरेलु टोलीले ७ विकेट गुमाएर ३ सय २१ रन बनाएको थियो ।

घरेलु टोलीका लागि कप्तान रोहित शर्माले २ सय १२ बलमा १ सय २० रनको शतकीय ईनिङ खेले । रविन्द्र जडेजा ७० र अक्षर पटेल ८४ रनमा आउट भए ।

मोहम्मद सामी ३७ रनमा आउट हुँदा रविचन्द्रन आश्विन २३ रनमा आउट भए । केएल राहुलले २० रन बनाउँदा विराट कोहलीले १२ रन बनाए । यस्तै टेस्टमा डेब्यु गरेका सुर्यकुमार यादव र केएस भरतले समान ८/८ रन बनाए ।

पाहुना टोलीका टोड मुर्फिले ४७ ओभरमा १ सय २४ रन दिएर ७ विकेट लिए । उनले यसै टेस्टमा डेब्यु गरेका थिए । मुर्फिले केएल राहुल,रविचन्द्रन आश्विन,विराट कोहली,चेतेश्वर पुजारा,मोहम्मद सामी,रविन्द्र जडेजा र केएस भरतको विकेट लिए ।

कप्तान प्याट कमिन्स २ र नेथन लायनले १ विकेट लिए । 

त्यसअघि पहिलो पारीमा भारतका स्पिनर रविन्द्र जडेजाले महत्वपुर्ण ५ विकेट लिए पछि घरेलु टोलीले पहिलो टेस्टको पहिलो ईनिङमा पाहुना टोली अस्ट्रेलियालाई १ सय ७७ रनमा रोकेको थियो । 

नागपुरमा बिहिबारबाट सुरु पहिलो टेस्ट खेलको पहिलो दिन नै पाहुना टोलीले अलआउट हुँदै १ सय ७७ रन मात्र बनाउन सक्यो । 

टस जितेर पहिले ब्याटिङ गरेको पाहुना टोली पहिलो दिनको तेस्रो सेसनमा अलआउट हुनुपुर्व मात्र १ सय ७७ रन बनायो । 

पाहुना टोलीका लागि मार्नुस लाबुस्छानले ४९ रन बनाउँदा स्टिभ स्मिथले ३७ रन बनाए । एलेक्स केरी ३६ रनमा आउट हुँदा पिटर ह्यान्डसकमले ३१ रन बनाए । 

घरेलु टोलीका लागि रविन्द्र जडेजाले २२ ओभरमा ४७ रन दिएर ५ विकेट लिए । उनले मार्नुस लाबुस्छान,स्टिभ स्मिथ,म्याट रेन्शा,पिटर ह्यान्डसकम र टोड मुर्फिलाई आउट गराए । 

रविचन्द्रन आश्विनले ३ तथा मोहम्मद सामी र मोहम्मद सिराजले समान १/१ विकेट लिए । 

भारत र अस्ट्रेलियाबीच चार खेलको टेस्ट सिरिजअन्तर्गतको पहिलो खेल बिहिबारबाट सुरु भएको हो ।