महिला टी-ट्वान्टी विश्वकप : श्रीलंकाको सुखद सुरुआत

काठमाडौं । श्रीलंकाले शुक्रबारबाट दक्षिण अफ्रिकामा सुरु आठौं संस्करणको आईसीसी महिला टी-ट्वान्टी विश्वकपमा विजय सुरुआत गरेको छ । 

शुक्रबार न्युल्याण्ड्समा भएको उद्घाटन खेलमा आयोजक दक्षिण अफ्रिकालाई ३ रनले पराजित गरेर श्रीलंकाले सुखद सुरुआत गरेको हो । 

श्रीलंकाले दिएको १ सय ३० रनको लक्ष्य पछ्याएको दक्षिण अफ्रिका २० ओभरमा ९ विकेट गुमाएर १ सय २६ रनमा समेटियो । 

दक्षिण अफ्रिकाका लागि कप्तान सुनी लुस २८ रनमा आउट हुँदा लोरा ओल्र्भेटले १८ रन बनाईन् । सिनलो जाफ्टाले १५ तथा ताजमी ब्रिट्सले १२ रन बनाईन् । 

श्रीलंकाका लागि इनओका रानाविराले ३ तथा सुगन्धिका कुमारी र ओसाडी रानासिंङ्गाले समान २/२ विकेट लिए । 

पहिले ब्याटिङ गरेको श्रीलंकाले २० ओभरमा ४ विकेट गुमाएर १ सय २९ रन बनाएको थियो ।

श्रीलंकाका लागि कप्तान चामरी अथापात्थुले ५० बलमा १२ चौकाको सहयोगमा ६८ रन बनाईन् । भिश्मी गुणरत्नेले ३५ रन बनाउँदा हर्षिता समराविक्रमाले ८ रन बनाईन् । 

दक्षिण अफ्रिकाका लागि शब्निम इस्माली,मरिजाने कप्पा र नलिनी काल्र्कीले समान १/१ विकेट लिईन् ।

जितसँगै २ अंकका साथ श्रीलंका समूह 'ए' को शीर्ष स्थानमा रहेको छ । दक्षिण अफ्रिका भने अंकबिहिन रहदै दोस्रो स्थानमा रहेको छ ।