सुर्य पहिलो पटक राष्ट्रिय टोलीमा

काठमाडौं । युवा क्रिकेटर सूर्य तामाङ पहिलो पटक नेपाली क्रिकेट टोलीमा परेका छन् । 

मंगलबारबाट सूरु हुने नेपाल,नामिबिया र स्कटल्याण्ड सम्मिलित त्रिदेशीय सिरिजका लागि बिहीबार घोषणा भएको १४ सदस्सीय नेपाली टोलीमा सुर्यले पहिलो पटक स्थान बनाएका हुन् । 

भक्तपुरका २१ वर्षीय सुर्य यू-१९ राष्ट्रिय टोली हुँदै सिनियर टोलीमा अटाएका हुन् । सूर्यले दुई साताअघि भएको नेपाल टी-ट्वान्टी लिगमा विराटनगर सुपर किंग्सलाई फाइनलसम्म पुर्याउन सानदार प्रदर्शन गरेका थिए ।

सो प्रतियोगितामा उदीयमान खेलाडी भएका सूर्यले ८ खेलमा १ सय १६ रन खर्चिदै १२ विकेट लिएका थिए ।

सूर्यले घरेलु क्रिकेट भने बागमती प्रदेशबाट खेल्ने गर्दछन् । केही महिना अघि सम्पन्न प्रधानमन्त्री कप राष्ट्रिय एकदिवसीय क्रिकेट प्रतियोगितामा सूर्यले ४ खेलमा १ सय २१ रन खर्चिएर ५ विकेट लिएका थिए । 

१४ सदस्सीय नेपाली टोलीमा स्पिनरमा सूर्य सहित पूर्व कप्तान सन्दीप लामिछाने र ललितनारायण राजवंशीलाई समावेश रहेका छन् ।

पूर्व कप्तान लामिछाने प्लेईङ-११ मा पर्ने लगभग पक्का रहेको स्थितिमा सूर्य वा ललित मध्ये एकले मात्र मौका पाउने छन् । अनुभवका आधारमा ललित अगाडी रहे पनि नवप्रतिभाका रुपमा सूर्यले पनि मौका पाउँन सक्नेछन् ।  

यस्तै टोलीमा सन्दीप जोरा, कुशल मल्ल र भिम सार्कीले पुनरागमन गरेका छन्।  

नेपाली टोलीको कप्तानी रोहित कुमार पौडेलले गर्ने छन् ।

नेपाल, नामिबिया र स्कटल्याण्ड सम्मिलित सिरिज फेब्रुअरी १४ देखि २१ सम्म हुनेछ ।  

सिरिजको पहिलो खेलमा नेपालले नामिबियासँग खेल्नेछ । जुन खेल फेब्रुअरी १४ मा हुनेछ । यस्तै नेपालले दोस्रो खेलमा स्कटल्याण्डसँग फेब्रुअरी १७ मा खेल्नेछ ।

नेपालले फेब्रुअरी १८ मा नामिबियासँग दोस्रो खेल खेल्दा स्कटल्याण्डसँग फेब्रुअरी २१ मा पुन: खेल्नेछ ।

नेपाली टोली -

रोहित पौडेल,  कुशल भुर्तेल, आसिफ शेख, ज्ञानेन्द्र मल्ल, कुशल मल्ल, दीपेन्द्र सिंह ऐरी, सन्दीप जोरा, सोमपाल कामी, करण केसी, ललित राजवंशी, सन्दीप लामिछाने, गुलशन झा, भिम सार्की, सुर्य तामाङ

वैकल्पिक खेलाडी 

आरिफ शेख, प्रतिश जी.सी,श्याम(मौसम) ढकाल र अर्जुन साउद