डोना फ्रेन्ड्समा अनुबन्धित

काठमाडौं । सहिद स्मारक 'ए' डिभिजन लिग क्लब फ्रेन्ड्सले मिडफिल्डर डोना थापालाई अनुबन्ध गरेको छ ।

फ्रेन्ड्सले आईतबार सामाजिक संजालबाट डोनालाई अनुबन्ध गरिएको जनाएको छ ।

फ्रेन्ड्सले नयाँ सिजनको 'ए' डिभिजन लिगका लागि डोनालाई चौथो खेलाडीको रुपमा अनुबन्ध गरेको हो ।

डोनाले अघिल्लो सिजन थ्री स्टार क्लबबाट खेलेका थिए ।

यस अघि फ्रेन्ड्सले गोलकिपर विशाल सुनार,फरवार्ड राजेश परियार र  मिडफिल्डर रुपेश केसीलाई अनुबन्ध गरेको थियो ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ । लिग डबल राउण्ड रोबिनको आधारमा हुनेछ ।

फ्रेन्ड्सले नवप्रवेशी एफसी खुमलटारसँग खेल्दै नयाँ सिजनको सुरुआत गर्नेछ ।