रोमाको सहज जित

काठमाडौं । इटालियन सिरी ए फुटबलमा रोमाले सहज जित निकालेको छ ।

शनिबार राति भएको खेलमा रोमाले इम्पोलीलाई २-० गोल अन्तरले हराएको हो ।

रोमाको जितमा रोजर इबानेज र टामी अब्राहमले एक एक गोल गरे ।

खेलको दोस्रो मिनेटमा रोजरले गोल गर्दै रोमालाई सुरुआती अग्रता दिलाएका थिए ।

त्यसपछि खेलको छैटौं मिनेटमा अब्राहमले गोल गर्दै रोमालाई २-० को जित दिलाए ।

जितसँगै रोमाले २१ खेलमा ४० अंक जोडेको छ ।

रोमा तेस्रो स्थानमा रहेको छ ।

इम्पोली २६ अंक जोडेर १० औं स्थानमा रहेको छ ।