भारतीय क्रिकेटर शर्माको सन्यास 

काठमाडौं । भारतीय राष्ट्रिय क्रिकेट टोलीका पूर्व सदस्य जोगिन्दर शर्माले अन्तराष्ट्रिय क्रिकेटबाट सन्यास घोषणा गरेका छन् । 

भारत टी-ट्वान्टी विश्वकपमा च्याम्पियन बन्दा शर्मा टोलीका महत्वपूर्ण सदस्यका रुपमा रहेका थिए । 

३९ वर्षिय शर्मा हाल हरियाणा पुलिसमा कार्यरत रहेका छन् । २००४ डिसेम्बर २३ मा बंगलादेशविरुद्धको एकदिवसीय अन्तराष्ट्रिय खेलमा शर्माले भारतका लागि डेब्यु गरेका थिए । 

दक्षिण अफ्रिकामा भएको पहिलो संस्करणको टी-ट्वान्टी विश्वकप क्रिकेटमा जोगिन्दरले उत्कृष्ट प्रदर्शन गरेका थिए । 

पाकिस्तानविरुद्ध भएको फाइनल खेलको अन्तिम ओभरमा बलिङको जिम्मामा जोगेन्दरले कसिलो बलिङ गर्दै भारतलाई विश्वकपको उपाधि जिताउन सफल भएका थिए । 

त्यसपछि उनी रातारात भारतीय क्रिकेटको हिरो बन्न सफल भएका थिए ।