मुरली विजयले लिए अन्तराष्ट्रिय क्रिकेटबाट सन्यास

काठमाडौं । भारतका ओपनर मुरली विजयले अन्तराष्ट्रिय क्रिकेटबाट सन्यास लिएका छन् ।

विजयले सोमबार सामाजिक संजालबाट अन्तराष्ट्रिय क्रिकेटको सबैखाले फर्म्याटबाट सन्यास घोषणा गरेका हुन् ।

विजयले भारतका लागि सबैखाले फर्म्याटमा ८७ अन्तराष्ट्रिय खेल खेलेका छन् ।

जसमा ६१ टेस्ट,१७ एकदिवसीय र ९ टी-ट्वान्टी अन्तराष्ट्रिय रहेको छ ।

३८ वर्षीय विजय आफ्नो समयको निकै भरपर्दा ओपनर थिए ।

विजयले भारतका लागि अन्तिम पटक २०१८ मा अष्ट्रेलियाविरुद्ध खेलेका थिए ।