लखनउ । भारतको लखनउमा जारी इन्टरनेशल स्कुल प्रिमियर लिग क्रिकेट प्रतियोगिताको पहिलो खेलमा धनगढीको एसपीए कलेज पराजित भएको छ ।
लखनउस्थित मल्टिएक्टिभिटी सेन्टरको मैदानमा शुक्रबार भएको खेलमा उत्तराखण्डको अमिनेटी पब्लिक स्कुलसँग एसपीए ११९ रनले पराजित भयो ।
अमिनेटीले २२७ रनको विशाल लक्ष्य पछ्याएको एसपीए १५.४ ओभरमा सबै विकेट गुमाएर १०७ रनमा समेटियो । एसपीएका लागि ओपनर सचिन सावदले २६ रन बनाए । ३० बलमा उनले ४ चौका प्रहार गरे ।
यस्तै कप्तान आशिष लुहारले २१ रन बनाए । आक्रामक खेलेका उनले १४ बलमा ३ चौका प्रहार गरे । त्यसबाहेक बसन्त कार्कीले १० बलमा २ चौका र एक छक्कासहित १८, विपिन रावलले ९ बलमा ३ चौकासहित १२ रन जोडे । सुर्य श्रेष्ठ १२ रनमा नटआउट रहे ।
अमिनेटीका सशांक पन्तले ४ तथा विनित धनखरले ३ विकेट लिए ।
त्यसअघि टस हारेर ब्याटिङमा उत्रिएको अमिनेटीले निर्धारित २० ओभरमा ७ विकेट गुमाएर २२६ रन बनाएको थियो । उसका अभिशेक सिवासले ७४ रनको अर्धशतकीय पारी खेले । ३९ बलमा उनले ८ चौका र ५ छक्का प्रहार गरे ।
यस्तै अभिशेक शर्माले २८, विपुल कम्बोजले ४१, जस्मित नैनले १८ रन जोडे ।
एसपीएका सचिन साउदले ३ विकेट लिए । ४ ओभरमा उनले ४३ रन खर्चे । यस्तै निशान रेग्मीले २ तथा विजेन्द्र चन्द र सुर्य श्रेष्ठले समान १–१ विकेट लिए ।
एसपीएले अब आइतबार जिम्बाबेको लेजेन्ड कम्बाइन्ड स्कुलको टोलीसँग खेल्नेछ ।
विश्वप्रशिद्ध सिटी मन्टेश्वरी स्कुलको आयोजनामा भइरहेको प्रतियोगितामा नेपाल, श्रीलंका, ओमान, जिम्बाबेसहित भारतका कोलकत्ता, दिल्ली, पटना, हैदरावाद, मध्यप्रदेश, पञ्जाबलगायत शहरका टोलीहरुले सहभागिता १६ टोलीको जनाएका छन् ।
लिगकम नकआउट फम्र्याटमा हुने लिग लखनउका तीन क्रिकेट ग्राउण्डमा भइरहेका छन् ।
-1741189127.JPG)
