काठमाडौं जेभियर्स र चैतन्य संस्कार सेमिफाइनलमा

काठमाडौं ।  काठमाडौं जेभियर्स र चैतन्य संस्कार शिक्षालय ११ औं प्याब्सन मध्य क्षेत्रीय बास्केटबल प्रतियोगिताको जुनियर ब्वाइजमा शुक्रबार सेमिफाइनलमा प्रवेश गरेका छन् ।

घट्टेकुलोस्थित सूर्योदयको कोर्टमा काठमाडौं जेभियर्सले लिटिल फ्लावरलाई ३०–२ तथा चैतन्यले केइएसलाई २१–६ ले पराजित गरे । सूर्योदय र एआईए सेमिफाइनलमा पुगिसकेका छन् ।

सिनियर ब्वाइजमा काठमाडौं जेभियर्सले लिटिल फ्लावरलाई २५–१०, डेनेबले लिभरपुललाई ३९–१९ र सेन्टपलले सूर्योदयलार्य २२–५ ले हराउदै क्वाटरफाइनलमा पुगे ।

प्याब्सन मध्य क्षेत्रीय कमिटी, काठमाडौंद्वारा आयोजित प्रतियोगिताको सिनियर गर्ल्समा इनोभेटिभले इलाइट ग्रान्डलाई १०–४ ले पाखा लगाउदै क्वाटरफाइनलमा स्थान सुरक्षित गरे ।