सुदुरपश्चिमको लगातार चौथो जित 

काठमाडौं । यू-१९ राष्ट्रिय क्रिकेट प्रतियोगितामा सुदुरपश्चिम प्रदेशले लगातार चौथो जित हासिल गरेको छ । 

लगातार तेस्रो जित हासिलको क्रममा सुदुरपश्चिमले प्रदेश-१ लाई २ सय १३ रनको फराकिलो अन्तरमा पराजित गरेको हो ।

टियु क्रिकेट मैदानमा भएको खेलमा सुदुरपश्चिमले दिएको २ सय ६५ रनको लक्ष्य पछ्याएको प्रदेश-१ ले १६.३ ओभरमा अलआउट हुदै मात्र ५१ रन बनाउन सक्यो । 

प्रदेश-१ का लागि भुपाल दंगालले १० रन बनाउँनु बाहेक अन्य ब्याटरले दोहोरो अंकमा रन बनाउन सकेनन् । 

प्रदेश-१ लाई कम रनमा रोक्न हेमन्त धामीले ७ ओभरमा २२ रन खर्चिएर ५ विकेट लिए । आकाश चन्दले ३ तथा मिलन बोहोराले २ विकेट लिए ।

त्यसअघि पहिले ब्याटिङ गरेको सुदुरपश्चिमले ५० ओभरमा ९ विकेट गुमाएर २ सय ६४ रन बनायो। 

सुदुरपश्चिमका लागि कप्तान अनुर्ग सिंह र मिलन बोहोराले अर्धशतकीय ईनिङ खेले । कप्तान सिंहले १ सय १२ बलमा ८३ तथा बोहोराले ७६ बलमा ६४ रन बनाए । 

दिपक बोहोराले ३५ बलमा ३२ रन जोड्दा गजेन्द्र बोहोराले १६ बलमा २४ रन जोडे । आकाश चन्द १४ बलमा २० रनमा आउट भए ।

प्रदेश९१ का लागि अभिनय राजवंशीले ४ तथा कप्तान दिपेश कडेल र आशिष मगरले समान २/२ विकेट लिए ।

जितसँगै गण्डकी ४ खेलमा अपराजित रहँदै ८ अंकका साथ र्शीष स्थानमा रहेको छ । 

प्रदेश९१ तीन खेलमा १ जित र २ हारका साथ २ अंकमा रहेर अंक तालिकाको पाँचौं स्थानमा रहेको छ ।

प्रतियोगितामा प्रदेश-१, मधेश प्रदेश,बागमती प्रदेश,गण्डकी प्रदेश,लुम्बिनी प्रदेश,कर्णाली प्रदेश र सुदुरपश्चिम प्रदेशको सहभागिता रहेको छ ।

प्रतियोगिताको विजेताले २ लाख नगद प्राप्त गर्दा उपविजेताले १ लाख नगद पाउने छन् ।

यस्तै प्लेयर अफ द सिरिज बन्ने खेलाडीले १५ हजार तथा उत्कृष्ट बलर र ब्याट्सम्यानले १०/१० हजार पाउने छन् ।