चैतन्यको सफल सुरुआत

काठमाडौं । चैतन्य संस्कार शिक्षालयले ११ औं प्याब्सन मध्य क्षेत्रीय बास्केटबल प्रतियोगिताको सिनियर गर्ल्समा आइतबार विजयी सुरुआत गरेको छ ।

प्याब्सन मध्य क्षेत्रीय समिति, काठमाडौंको आयोजनामा घट्टकुलोस्थित सूर्योदयको कोर्टमा चैतन्यले स्पाङ्गललाई २१–८ ले पराजित गर्यो । चैतन्यको जितमा सलिना थापाको ६ स्कोर योगदान रह्यो । दियाको ४ अंक सहयोगमा भद्रघलेले सनसाइनलाई ६–४ ले हरायो ।

सिनियर ब्वाइजमा डेनेबले सूर्योदयलाई २१–१८, लिटिल फ्लावरले सनसाइनलाई २२–१४, हेम्सले भद्रघलेलाई ३२–१७ र स्पाङ्गलले अल्वर्टलाई १४–११ ले पन्छाए ।

प्रतियोगिताको नेपाल ओलम्पिक कमिटीका उपाध्यक्ष एवं कार्यकारी निर्देशक चतुरानन्दराज वैद्यले एक कार्यक्रमबीच उद्घाटन गरे ।

प्रतियोगितामा सिनियर ब्वाइजमा १८, सिनियर गल्र्समा १४ र जुनियर ब्वाइजमा १० गरी जम्मा ४२ टिमको सहभागिता रहेको आयोजक प्याब्सन मध्य क्षेत्रीय समितिका अध्यक्ष दिनेशकुमार पाण्डेले जनाएका छन् ।