सोमपाल र रोहितको वरीयता सुधार

काठमाडौं । नेपाली राष्ट्रिय क्रिकेट टिमका तीव्र गतिका बलर सोमपाल कामीको एकदिवसीय बलिङ वरीयतामा  सुधार भएको छ ।

अन्तर्राष्ट्रिय क्रिकेट परिषद (आईसीसी) ले अपडेट गरेको नयाँ वरीयतामा सोमपाल एक स्थान माथि उक्लिएका छन् । नयाँ वरीयतामा सोमपाल ९३ औं स्थानमा छन् ।

बलिङतर्फ नै सन्दीप लामिछाने ३९ औं स्थानमा यथावत रहेका छन् ।

ब्याटिङतर्फ आसिफ शेख र कप्तान रोहित कुमार पौडेलको वरीयता सुधार भएको छ । शेख र पौडेलको वरीयतामा एक एक स्थान सुधार भएको हो ।

नयाँ वरीयतामा शेख ९० औं र पौडेल ९१ औं स्थानमा रहेका छन् ।

ब्याटिङतर्फ पाकिस्तानका कप्तान बाबर अजाम शीर्ष स्थानमा रहेका छन् ।

बलिङतर्फ भने न्युजिल्याण्डका फास्ट बलर ट्रेन्ट बोल्ट पहिलो स्थानमा रहेका छन् ।