कुशल र दीपेन्द्रको वरीयता यथावत

काठमाडौं । नेपाली राष्ट्रिय क्रिकेट टिमका अलराउन्डर दीपेन्द्र सिंह ऐरी र ब्याटर कुशल भुर्तेल आईसीसी टी-ट्वान्टी ब्याटिङ वरीयतामा यथावत रहेको छ ।

अन्तर्राष्ट्रिय क्रिकेट परिषद (आईसीसी) ले अपडेट गरेको नयाँ वरीयतामा दीपेन्द्र र कुशलको वरीयता  यथावत रहेको हो । नयाँ वरीयतामा कुशल ५२ औं तथा दीपेन्द्र ५९ औं स्थानमा कायमै रहेका छ ।

बलिङतर्फ भने सन्दीप लामिछाने ७० औं स्थानमा यथावत रहेका छन् ।

ब्याटिङतर्फ भारतका सुर्य कुमार यादव शीर्ष स्थानमा रहेका छन् । बलिङमा श्रीलंकाका वानिन्दु हसरंगा शीर्ष स्थानमा रहेका छन् ।

टी-ट्वान्टी वरीयतामा नेपाल १६ औं स्थानमा यथावत रहेको छ ।