मिडफिल्डर जोन्सले गरे लिभरपुलसँग नयाँ सम्झौता

काठमाडौं । इंग्लिस क्लब लिभरपुलका युवा मिडफिल्डर कुर्टिस जोन्सले क्लबसँगको सम्झौता नवीकरण गरेका छन् ।

इंग्लिस मिडफिल्डरले बिहीबार क्लबसँग लामो सम्झौता गरेको लिभरपुलले जनाएको छ ।

सम्झौतासँगै २१ वर्षीय मिडफिल्डर २०२७ सम्म लिभरपुलमा रहने छन् ।  

जोन्सले लिभरपुलका लागि ८१ खेल खेलिसकेका छन् । जसमा ८ गोल गरेका छन् ।

उनले २०१९ मा सिनियर टोलीमा डेब्यु गरेका थिए ।

 लिभरपुलबाट उनले प्रिमियर लिग, एफए कप, काराबाओ कप र कम्युनिटी शिल्ड जितिसकेका छन् ।

उनी इंग्ल्यान्डको यू-२१ टोलीका सदस्य हुन् ।