दशरथ रंगशालामा नेपालको ५० औं खेल पूरा, ५० खेलको नतिजासहित

गृहपृष्ठ
फुटबल

बुधबार, कात्तिक ३०, २०७९ निशान राई

काठमाडौं । नेपाली फुटबलको घर मानिने दशरथ रंगशालामा नेपालको राष्ट्रिय फुटबल टिमले बुधबार ५० औं खेलको कोशेढुंगा पूरा गर्यो ।

पाकिस्तानविरुद्धको मैत्रीपूर्ण खेलसँगै नेपालले दशरथ रंगशालामा ५० खेलको कोशेढुंगा पूरा गरेको हो ।

५० खेलको कोशेढुंगा पार गरेको खेलमा नेपालले १-० को जित समेत हासिल गर्यो । नेपालको जितमा अन्जन विष्टले निर्णायक गोल गरे ।

नेपालले सन् १९८४ बाट दशरथ रंगशालामा आधिकारिक रुपमा अन्तर्राष्ट्रिय फुटबल खेल्न थालेको हो । र, ३९ वर्षमा नेपालले दशरथ रंगशालामा ५० खेल पूरा गरेको छ ।

नेपालले दशरथ रंगशालामा पहिलो पटक माल्दिभ्सविरुद्ध औपचारिक अन्तराष्ट्रिय खेल खेलेको थियो । सन् १९८४ मा आयोजना भएको पहिलो दक्षिण एसियाली खेलकुद अन्तर्गत सेप्टेम्बर १८ मा नेपालले दशरथ रंगशालामा पहिलो औपचारिक खेल खेलेको हो । जुन खेलमा नेपालले माल्दिभ्सलाई ४-० ले हराएको थियो ।

May be an image of ‎6 people, people playing football, people standing, outdoors and ‎text that says '‎khelpati.com www.khelpati.com 16 khelpa www.khelpati.com helpati.com www.khelpati.co ש सेलपाटी‎'‎‎

नेपालले दशरथ रंगशालामा १८ जित निकाल्दा १९ हार व्यहोरेको छ । बाँकी १३ खेल बराबरीमा सकिएको छ ।

अर्को तथ्य दशरथ रंगशालामा नेपालले कुल ५८ गोल गरेको छ । जसमा दुई गोल आत्मघाती गोल रहेको छ । नेपालले हालसम्म दशरथ रंगशालामा २१ राष्ट्रसँग खेल खेलेको छ ।

दशरथ रंगशालामा हालसम्म ८९ अन्तराष्ट्रिय खेल भएको छ । नेपालले पाकिस्तानविरुद्ध ८ खेल दशरथ रंगशालामा खेलेको छ ।

दशरथ रंगशालामा नेपालका लागि सर्वाधिक गोल गर्ने खेलाडीको शीर्ष स्थानमा भरत खवास रहेका छन् । फरवार्ड भरतले १ ह्याट्रिकसहित दशरथ रंगशालामा ६ गोल गरेका छन् ।

यस्तै पूर्व कप्तान तथा फरवार्ड हरि खड्काले ५ गोल गरेका छन् । फरवार्ड अन्जन विष्टले १ ह्याट्रिकसहित ५ गोल गरेका छन् ।

पूर्व कप्तान अनिल गुरुङले समेत ४ गोल गरेका छन् । पूर्व फरवार्ड जुमानु राईले ३ गोल गरेका छन् ।

दशरथ रंगशालाको हालसम्म खेलिएको खेलहरु -

वर्ष	विपक्षी	नतिजा	प्रतियोगिताको नाम	गोलकर्ता
सन् १९८४	माल्दिभ्स	४-० जित	दक्षिण एसियाली खेलकुद	गणेश थापा - २ रुपकराज शर्मा-१ किष्ण थापा - १
सन् १९८४	बंगलादेश	४-२ जित	दक्षिण एसियाली खेलकुद	कृष्ण थापा -१ सुरेश पन्थी -१ वाईबी घले -१ आत्मघाती -१
सन् १९८५	दक्षिण कोरिया	०-२ हार	विश्वकप छनोट
सन् १९८५	मलेसिया	०-० बराबर	विश्वकप छनोट
सन् १९८७	पाकिस्तान	०-० बराबर	ओलम्पिक छनोट
सन् १९८७	पाकिस्तान	१-० जित	ओलम्पिक छनोट	धिरेन्द्र प्रधान -१ (कर्नरबाट सिधै गोल, गोलकिपरको औला भाचिएको )
सन् १९८८	इरान	०-३ हार	एसियन कप छनोट
सन् १९८८	उत्तर कोरिया	०-१ हार	एसियन कप छनोट
सन् १९८८	सिरिया	०-३ हार	एसियन कप छनोट
सन् १९८८	हङकङ	०-० बराबर	एसियन कप छनोट
सन् १९९७	पाकिस्तान	०-२ हार	साफ च्याम्पियनसिप
सन् १९९७	श्रीलंका	१-३ हार	साफ च्याम्पियनसिप	दिपक अमात्य - १
सन् १९९९	भुटान	७-० जित	दक्षिण एसियाली खेलकुद	हरि खड्का-२ बसन्त थापा -२ दीपक अमात्य -१ नरेश जोशी -१ निराजन राइमाझी -१
सन् १९९९	पाकिस्तान	३-१ जित	दक्षिण एसियाली खेलकुद	बालगोपाल महर्जन -१ हरि खड्का -१ आत्मघाती -१
सन् १९९९	भारत	०-४ हार	दक्षिण एसियाली खेलकुद
सन् १९९९	माल्दिभ्स	२-१ जित	दक्षिण एसियाली खेलकुद	नरेश जोशी -१ हरि खड्का -१
सन् १९९९	बंगलादेश	०-१ हार	दक्षिण एसियाली खेलकुद
सन् २००३	अफगानिस्तान	४-० जित	एसियन कप छनोट	निराजन राइमाझी -२ हरि खड्का -१ दिपक लामा -१
सन् २००३	किर्गिस्तान	०-२ हार	एसियन कप छनोट
सन् २००७	ओमान	०-२ हार	विश्वकप छनोट
सन् २००९	प्यालेस्टाइन	०-० बराबर	एएफसी च्यालेन्ज कप छनोट
सन् २००९	किर्गिस्तान	१-१ बराबर	एएफसी च्यालेन्ज कप छनोट	बिराज महर्जन -१
सन् २०११	अफगानिस्तान	१-० जित	एएफसी च्यालेन्ज कप छनोट	भरत खवास
सन् २०११	उत्तर कोरिया	०-१ हार	एएफसी च्यालेन्ज कप छनोट
सन् २०११	श्रीलंका	०-० बराबर	एएफसी च्यालेन्ज कप छनोट
सन् २०११	टिमोर लिस्टे	२-१ जित	विश्वकप छनोट	अनिल गुरुङ -१ जुमानु राई -१
सन् २०११	टिमोर लिस्टे	५-० जित	विश्वकप छनोट	अनिल गुरुङ -१ भोला सिलवाल -१ सुजल श्रेष्ठ -१ जुमानु राई -१ जगजित श्रेष्ठ -१
सन् २०११	जोर्डन	१-१ बराबर	विश्वकप छनोट	भरत खवास -१
सन् २०१२	प्यालेस्टाइन	०-२ हार	एएफसी च्यालेन्ज कप छनोट
सन् २०१२	माल्दिभ्स	०-१ हार	एएफसी च्यालेन्ज कप छनोट
सन् २०१२	तुर्किमिनिस्तान	०-३ हार	एएफसी च्यालेन्ज कप छनोट
सन् २०१२	बंगलादेश	१-१ बराबर	मैत्रीपूर्ण	भोला सिलवाल -१
सन् २०१३	पाकिस्तान	०-१ हार	मैत्रीपूर्ण
सन् २०१३	पाकिस्तान	०-१ हार	मैत्रीपूर्ण
सन् २०१३	नर्दन मारियाना आयरल्याण्ड	६-० जित	एएफसी च्यालेन्ज कप छनोट	भारत खवास -३ सन्तोष शाहुखाल -१ सन्दीप राई -१ राजु तामाङ -१
सन् २०१३	बंगलादेश	०-२ हार	एएफसी च्यालेन्ज कप छनोट
सन् २०१३	प्यालेस्टाइन	०-० बराबर	एएफसी च्यालेन्ज कप छनोट
सन् २०१३	बंगलादेश	२-० जित	साफ च्याम्पियनसिप	अनिल गुरुङ -१ भरत खवास -१
सन् २०१३	पाकिस्तान	१-१ बराबर	साफ च्याम्पियनसिप	विमल घर्ति मगर -१
सन् २०१३	भारत	२-१ जित	साफ च्याम्पियनसिप	जुमानु राई -१ अनिल गुरुङ -१
सन् २०१३	अफगानिस्तान	०-१ हार	साफ च्याम्पियनसिप
सन् २०१५	भारत	०-० बराबर	विश्वकप छनोट
सन् २०२१	बंगलादेश	०-०	थ्री नेसन्स कप
सन् २०२१	बंगलादेश	२-१ जित	थ्री नेसन्स कप	विशाल राई -१ संजोक राई -१
सन् २०२१	भारत	१-१ बराबर	मैत्रीपूर्ण	अन्जन विष्ट -१
सन् २०२१	भारत	१-२ हार	मैत्रीपूर्ण	तेज तामाङ-१
सन् २०२२	मरिसस	१-० जित	मैत्रीपूर्ण	विमल घर्ति मगर -१
सन् २०२२	मरिसस	१-० जित	मैत्रीपूर्ण	सुजल श्रेष्ठ -१
सन् २०२२	बंगलादेश	३-१ जित	मैत्रीपूर्ण	अन्जन विष्ट -३
सन् २०२२	पाकिस्तान	१-० जित	मैत्रीपूर्ण	अन्जन विष्ट -१

प्रतिक्रिया दिनुहोस्

ताजा समाचार
खेल आज