आर्सनलको सहज जित

काठमाडौं । इंग्लिस प्रिमियर लिग फुटबलमा आर्सनलले सहज जित निकालेको छ ।

शनिबार राति भएको खेलमा आर्सनलले उल्भ्सलाई २-० गोल अन्तरले हराएको हो ।

आर्सनलको जितमा कप्तान मार्टिन ओडेगार्डले दुई गोल गरे ।

खेलको ५४ औं मिनेटमा ओडेगार्डले गोल गर्दै आर्सनललाई सुरुआती अग्रता दिलाए ।

त्यसपछि खेलको ७५ औं मिनेटमा ओडेगार्डले व्यक्तिगत दोस्रो गोल गर्दै आर्सनललाई २-० को जित दिलाए ।

जितसँगै आर्सनलले १४ खेलमा ३७ अंक जोडेको छ ।

आर्सनलले शीर्ष स्थानको अग्रता थप फराकिलो बनाएको छ ।

उल्भ्स १० अंक जोडेर पुछारमा रहेको छ ।