काठमाडौं । इंग्लिस प्रिमियर लिग फुटबलमा लिभरपुलले जित निकालेको छ ।
शनिबार राति भएको खेलमा लिभरपुलले साउथह्याम्पटनलाई ३-१ गोल अन्तरले हराएको हो ।
खेलको छैटौं मिनेटमा रोबर्टो फिर्मिन्होले गोल गर्दै लिभरपुललाई सुरुआती अग्रता दिलाएका थिए ।
तर, खेलको नवौं मिनेटमा चे एडम्सले गोल गर्दै साउथह्याम्पटनलाई १-१ गोलको बराबरीमा ल्याए ।
त्यसपछि लिभरपुलका डार्विन नुनेज नायक बने ।
खेलको २१ औं मिनेटमा नुनेजले गोल गर्दै लिभरपुललाई २-१ ले अग्रता दिलाए ।
खेलको ४२ औं मिनेटमा नुनेजले व्यक्तिगत दोस्रो गोल गर्दै लिभरपुललाई ३-१ को जित दिलाए ।
जितसँगै लिभरपुलले १४ खेलमा २२ अंक जोडेको छ ।
लिभरपुल छैटौं स्थानमा रहेको छ ।
साउथह्याम्पटन १२ अंक जोडेर १९ औं स्थानमा रहेको छ ।
अर्को खेलमा टोटेनहमले लिड्स युनाईटेडलाई ४-३ ले हराएको छ ।
बर्नेमाउथले एभर्टनलाई ३-० ले, नटिङघम फरेस्टले क्रिस्टल प्यालेसलाई १-० ले तथा लेस्टरले वेस्ट ह्यामलाई २-० ले हराएको छ ।
