यू-२३ राष्ट्रिय भलिबल टिमका लागि २० खेलाडी छनोट

काठमाडौं । नेपाल भलिबल संघले यू-२३ राष्ट्रिय पुरुष भलिबल टिमको बन्द प्रशिक्षणका लागि २० खेलाडी छनोट गरेको छ  ।

संघले शनिबार एक विज्ञप्ति निकाल्दै बन्द प्रशिक्षणका लागि २० खेलाडी छनोट गरिएको जनाएको छ ।

राष्ट्रिय खेलकुद परिषदको कभर्ड हलमा कात्तिक २१ देखि २३ गतेसम्म भएको खुल्ला छनोटबाट २० खेलाडी छनोट गरिएको संघले जनाएको छ ।

संघले आइतबारबाट टिमको बन्द प्रशिक्षण सुरु हुने जनाएको छ ।

ढाकामा आगामी डिसेम्बर २० देखि २७ गतेसम्म आयोजना सीएभए यू-२३ पुरुष भलिबल च्याम्पियनसिपका लागि संघले खेलाडी छनोट गरेको हो ।