भलिबल संघले सार्वजनिक गर्यो वार्षिक कार्यक्रम

काठमाडौं । नेपाल भलिबल संघ (एनभीए) ले २०७९/८० सालको वार्षिक कार्यक्रम सार्वजनिक गरेको छ ।

संघले बुधबार एक विज्ञप्ति निकाल्दै संघले आयोजना गर्ने प्रतियोगिता र राष्ट्रिय टोलीले सहभागिता जनाउने प्रतियोगिता समेटेर कार्यक्रम सावर्जनिक गरेको हो ।

नयाँ कार्यसमिति आएपछि संघले पहिलो पटक वार्षिक कार्यक्रम सार्वजनिक गरेको हो ।

गत भदौ २३ गते भएको चुनावी साधारण सभाबाट जितेन्द्र बहादुर चन्दको अध्यक्षतामा संघको नयाँ कार्यसमिति आएको थियो ।

संघले सार्वजनिक गरेको कार्यक्रम अनुसार सातौं एनभीए महिला तथा पुरुष क्लब च्याम्पियनसिप पुस २४ देखि माघ २ गरेसम्म आयोजना हुनेछ ।

यस्तै नेपाल सुपर लिग महिला तथा पुरुष भलिबल फागुनमा हुनेछ ।

सातौं एनभीए महिला तथा पुरुष क्लब लिग जेष्ठ ८ देखि १८ सम्म हुनेछ ।

त्यस्तै यू-१५ महिला तथा पुरुष प्रतियोगिता लगायत मैत्रीपूर्ण खेलहरु कार्यक्रममा रहेको छ ।