काठमाडौं । नेपाल भलिबल संघले यू-२३ राष्ट्रिय पुरुष भलिबल टिम बनाउनका लागि खेलाडी छनोट गर्ने भएको छ ।
मंगलबार बसेको संघको कार्यसमिति बैठकले यू-२३ टिमका लागि खेलाडी छनोट गर्ने निर्णय गरेको हो ।
ढाकामा आगामी डिसेम्बर २० देखि २७ गतेसम्म आयोजना सीएभए यू-२३ पुरुष भलिबल च्याम्पियनसिपका लागि राष्ट्रिय टोली निर्माण गर्न संघले खेलाडी छनोट गर्ने निर्णय गरेको हो ।
राष्ट्रिय खेलकुद परिषदको कभर्ड हलमा आयोजना हुने छनोट कात्तिक २१ देखि २३ गतेसम्म चल्नेछ ।
संघले २३ वर्ष मुनिका खेलाडीलाई छनोटमा सहभागिता जनाउन आह्वान समेत गरेको छ ।
यस्तै संघले बंगलादेशकै आयोजना हुने सीएभए बिच भलिबल प्रतियोगिताका लागि पुरुष र महिला बिच भलिबल टिमका लागि पनि खेलाडी छनोट गर्ने जनाएको छ ।
बिच भलिबलको छनोट कात्तिक २१ देखि २३ गतेसम्म काठमाडौंमा हुनेछ ।
-1751519914.webp)
-1751205100.jpg)
