नवौं राष्ट्रिय : पुरुष हक्कीमा आर्मी र पुलिस भिड्ने

पोखरा । नवौं राष्ट्रिय खेलकुद अन्तर्गत पुरुष हक्कीको फाइनलमा नेपाल आर्मी र पुलिस क्लबबीच प्रतिस्पर्धा हुने भएको छ ।

हेम्जाको गौरीशंकर खेल मैदानमा बुधबार आर्मीले कर्णालीलाई र पुलिसले गण्डकीलाई हराएर फाइनलमा स्थान पक्का गरेको हो ।

आर्मीले कर्णालीलाई १३–० को फराकिलो गोल अन्तरले पराजित गरेको हो ।

 यस्तै पुलिसले गण्डकीलाई ४–० गोल अन्तरले पराजित गरेको हो ।  

अब तेस्रो स्थानका लागि गण्डकी र कर्णाली प्रदेशबीच प्रतिस्पर्धा हुनेछ ।