पुरुष बास्केटबलमा गण्डकी र एपीएफ फाइनलमा

पोखरा ।  नवौं  राष्ट्रिय खेलकुद अन्तर्गत पुरुष बास्केटबलमा गण्डकी र एपीएफ फाइनलमा प्रवेश गरेका छन् ।

बुधबार भएको खेलमा गण्डकीले आर्मीलाई ७०–६६  स्कोरले हराउँदै फाइनलमा प्रवेश गरेको हो । 

खेलको पहिलो हाफमा आर्मीले १६–१९ स्कोरले अग्रता लिएको थियो । दोस्रो हाफमा गण्डकीले ३९–३२ स्कोरका साथ अग्रता लिँदै तेस्रो र चौथोमा क्रमशः ५३–५० र ७०– ६६ अंकले जित हासिल गरेको छ  । 

आजै भएको पहिलो खेलमा एपीएफ फाइनलमा प्रवेश गरेको छ । एपीएफले बागमती प्रदेशलाई ९२–६५ स्कोरले पराजित गर्दै फाइनल यात्रा तय गरेको हो । 

थ्री अन थ्रीतर्फ एपीएफले बागमतीलाई २१–१६ स्किोरले पराजित गर्दै फाइनलको यात्रा तय गरेको छ । दोस्रो खेलमा घरेलु टोली गण्डकीले आर्मीलाई २०–१७ स्कोरले हराउँदै फाइनलको यात्रा तय गरेको छ ।

फाइनल खेल गण्डकी र एपीएफबीच बिहीबार हुँदैछ ।