नवौं राष्ट्रिय :  स्क्वासमा गण्डकीका अमृतलाई स्वर्ण

पोखरा ।  नवौं राष्ट्रिय खेलकुद अन्तर्गत स्क्वासमा गण्डकी प्रदेशका अमृत थापामगरले पुरुष एकलमा स्वर्ण पदक जितेका छन् ।

पोखरा रंगशालास्थित स्क्वास कोर्टमा सोमबार भएको फाइनल खेलमा बागमतीका अह्रान्त सिम्हालाई ३–२ को सेटमा हराएर अमृतले स्वर्ण पदक जितेका हुन् ।

राष्ट्रिय खेलकुदमा अमृतले लगातार तेस्रो पटक स्वर्ण पदक जितेका हुन् । उनले सातौ, आठौंमा समेत स्वर्ण पदक जितेका थिए ।

दोस्रो पटक हार व्यहोरेका सिम्हाले रजत पदक प्राप्त गरे । भने बागमतीका अमीर ब्लोन र गण्डकीका दिपक थापाले कास्य पदक जिते ।

पुरुषतर्फ टिम इभेन्टका खेल सोमबार बेलुकीबाट हुने स्क्वास प्रतियोगिता संयोजक लोकेन्द्रमान सिं भण्डारीले बताए ।