डर्टमण्डसँग बायर्नको बराबरी 

काठमाडौं । जर्मन बुन्डेसलिगा फुटबलमा साविक विजेता बायर्न म्युनिखले बोरुसिया डर्टमण्डसँग बराबरी खेलेको छ ।

शनिबार राति भएको प्रतिस्पर्धात्मक खेलमा बायर्नले डर्टमण्डसँग २-२ गोलको बराबरी खेलेको हो ।

१० खेलाडीमा समेटिएको बायर्नले दुई गोलको अग्रता जोगाउन नसक्दा बराबरीमा रोकिनु परेको हो ।

खेलको ३३ औं मिनेटमा लियोन गोर्टेज्काले गोल गर्दै बायर्नलाई सुरुआती अग्रता दिलाएका थिए ।

खेलको ५३ औं मिनेटमा लोरी सानेले गोल गर्दै बायर्नलाई २-० गोलको अग्रता दिलाए ।

तर, खेलको ७४ औं मिनेटमा युसुफ मौकोकोले गोल गर्दै डर्टमण्डलाई २-१ को स्थितिमा ल्याए ।

खेलको ९० औं मिनेटमा किन्सले कोम्यानले दोहोरो पहेलो कार्डसहित रातो कार्ड पाएपछि बायर्न १० खेलाडीमा समेटियो ।

त्यसपछि खेलको इन्जुरी समयमा एन्थोनी मोडेस्टेले गोल गर्दै डर्टमण्डलाई २-२ को बराबरीमा ल्याए ।

यस बराबरीसँगै बायर्नले ९ खेलमा १६ अंक जोडेको छ । बायर्न तेस्रो स्थानमा रहेको छ ।

डर्टमण्ड १६ अंक जोडेर नै चौंथो स्थानमा रहेको छ ।