चेल्सीको सहज जित

काठमाडौं । इंग्लिस प्रिमियर लिग फुटबलमा चेल्सीले सहज जित निकालेको छ ।

शनिबार राति भएको खेलमा चेल्सीले उल्भ्सलाई ३-० गोल अन्तरले हराएको हो ।

पहिलो हाफको इन्जुरी समयमा काइ हार्भट्जले गोल गर्दै चेल्सीलाई सुरुआती अग्रता दिलाएका थिए ।

खेलको ५४ औं मिनेटमा क्रिस्टियन पुलिसिचले गोल गर्दै चेल्सीलाई २-० को अग्रता दिलाए ।

त्यसपछि खेलको ८९ औं मिनेटमा अर्मान्डो ब्रोजाले गोल गर्दै चेल्सीलाई ३-० गोलको जित दिलाए ।

जितसँगै चेल्सी चौंथो स्थानमा उक्लिएको छ ।

चेल्सीले ८ खेलमा १६ अंक जोडेको छ ।

उल्भ्स ६ अंक जोडेर १८ औं स्थानमा रहेको छ ।

अर्को खेलमा न्युकासलले ब्रेन्टफोर्डलाई ५-१ ले हराएको छ ।

बर्नेमाउथले लेस्टर सिटीलाई २-१ ले हराएको छ ।