इन्टर उडीनेजेसँग हार्यो

काठमाडौं । इटालियन सिरी ए फुटबलमा इन्टर मिलान पराजित भएको छ ।

आइतबार राति भएको खेलमा इन्टरलाई उडीनेजेले ३-१ गोल अन्तरले हराएको हो ।

उडीनेजेको मैदानमा सुरुआती एक गोलको अग्रता जोगाउन नसक्दा इन्टरले हार व्यहोरेको हो ।

उडीनेजेलाई जित दिलाउन जाका बिजोल र टोल्गे अर्स्लानले एक एक गोल गरे ।

इन्टरका मिलान स्क्रिनियरले आत्मघाती गोल गरे ।

यस्तै निकोलो बरेलाले एक गोल फर्काए ।

जितसँगै उडीनेजेले ७ खेलमा १६ अंक जोडेको छ ।

उडीनेजे दोस्रो स्थानमा उक्लिएको छ ।

इन्टर १२ अंक जोडेर सातौं स्थानमा रहेको छ ।