काठमाडौं । अखिल नेपाल फुटबल संघ (एन्फा) अन्तर्गतको फुटसल समितिले एएफसी ग्रासरुट फुटसल फेस्टिभल आयोजना गरेको छ ।
फुटसल समितिले शुक्रबार एन्फा कम्प्लेक्स सातदोबाटोमा 'फुटबल फर अल' भन्ने नारासहित फेस्टिभलको आयोजना गरेको हो । एक दिने फेस्टिभलमा १०० सय बालबालिकाले सहभागिता जनाएका थिए । बालबालिकालाई एन्फाका प्रशिक्षकहरुले फुटसलको प्रशिक्षण दिएका थिए ।
एसियन फुटबल फेडेरेसनको कार्यक्रम अनुसार एन्फाको फुटसल समितिले कार्यक्रमको आयोजना गरेको हो । कार्यक्रममा एएफसीका फुटसल समितिका टेक्निकल हेड अली तार्घोलिजादेह र सिनियर डेभलपमेन्ट अफिसर ज्याकोब बिग्स सहभागी भएका थिए । दुवै फुटसल फेस्टिभलका लागि चार दिने नेपाल भ्रमणमा आएका हुन् ।
कार्यक्रमा बोल्दै एन्फाका सदस्य तथा फुटसल समितिका संयोजक दावा लामाले फुटसल लिग चाडै आयोजना गर्न लागेको बताए ।
'यस कार्यक्रमले फुटसल समितिलाई सहयोग मिलेको छ । उहाहरुको आगमनले हामीलाई हौसला बढेको छ,' एएफसीको प्रतिनिधिहरुको उपस्थितिले समितिलाई हौसला मिलेको बताउदै लामाले भने, 'यस कार्यक्रम हुनु हाम्रा लागि सुवर्ण अवसर पनि हो । हामी चाडै फुटसल लिग गर्ने योजनामा छौं ।'
-1750070144.JPG)
-1750064258.webp)
