नवौं राष्ट्रिय : बागमतीबाट स्क्वास खेलाडी छनौट 

काठमाडौँ । गण्डकी प्रदेशको पोखरामा आयोजना हुने नवौं राष्ट्रिय खेलकुद प्रतियोगिताका लागि बागमती प्रदेशका स्क्वास खेलाडीको छनौट सम्पन्न भएको छ ।

नेपाल स्क्वास र्याकेट्स संघको कोर्टमा मङ्गलबार भएको छनौट प्रतियोगिताबाट पुरुषतर्फ चार र महिलातर्फ तीन गरि कुल सात खेलाडी छनौट भएका हुन् । 

राष्ट्रिय खेलकुदका लागि चयन हुने खेलाडीमा अरहन्त केशर सिंह, अमिर ब्लोन, उमित शाक्य, राजेन्द्र शाक्य, विपना ब्लोन, स्वस्थानी श्रेष्ठ र भावना सुनुवार रहेका छन् । 

नवौं राष्ट्रिय खेलकुद असोज २८ गतेदेखि कात्तिक ३ गतेसम्म गण्डकी प्रदेशका विभिन्न जिल्लामा हुदैछ । प्रतियोगिताका लागि अहिले गण्डकी प्रदेशले खेलाडी छनोट प्रतियोगिता सञ्चालन गरिरहेको छ ।