प्रिन्स दोस्रो चरणमा
२०२२ सेप्टेम्बर २, शुक्रबारखेलपाटी संवाददाता
काठमाडौं । नेपालका प्रिन्स दाहाल भारतको पुनेमा जारी इन्डिया जुनियर ग्रान्डप्रिक्सको दोस्रो चरणमा प्रवेश गरेका छन् ।
पुरुष एकलतर्फ भारतका अश्मित अग्रवाललाई २१-११ र २१-१९ ले हराउँदै प्रिन्स दोस्रो चरणमा पुगेका हुन् ।
यस्तै पुरुष डबल्सतर्फ प्रिन्स दाहाल र क्षितिज खनालको जोडीले भारतका प्रुत्तभी कोके र अविशेक कोट्रेशलाई २१-१७, २१-२३ र २१-१३ ले पराजित गरेर दोस्रो चरणमा स्थान बनाएका छन् ।
प्रतियोगितामा सहभागिता जनाउन नेपालका ६ खेलाडी भारतमा रहेका छन् । पुरुष खेलाडीमा प्रिन्स दाहाल, क्षितिज खनाल र हिमाल चन्द तथा महिलामा रशिला महर्जन, रोज पाण्डे र विष्णा विष्ट रहेका छन् ।
यस्तै प्रशिक्षकमा राजेशप्रताप शाक्य तथा व्यवस्थापकमा जीवनसिंह कुँवर छन् ।
प्रिन्स दोस्रो चरणमा
