अर्याल विश्व ब्याडमिन्टन च्याम्पियनसिपमा सहभागी हुने

काठमाडौं । नेपालका वरिष्ठ अन्तर्राष्ट्रिय ब्याडमिन्टन अम्पायर उदय अर्यालले 'विश्व ब्याडमिन्टन च्याम्पियनसिप-२०२२' मा लाइन जजको भूमिका निर्वाह गर्ने भएका छन् ।

जापानको टोकियोमा आगामी अगस्ट २२ देखि २९ सम्म आयोजना हुने च्याम्पियनसिपका लागि अम्पायर अर्याल अन्तर्राष्ट्रिय लाइन  जजका लागि छनोट भएका हुन् ।

अर्याल गत वर्ष जापान मै  आयोजना भएको टोकियो पारालाम्पिकमा सहभागिता जनाउने पहिलो नेपाली ब्याडमिन्टन टेक्निकल अफिसियल हुन् ।

सन् २०१९ जनवरी देखि २०२२ डिसेम्बरसम्म ४ वर्षका लागि विश्व ब्याडमिन्टन फेडेरेसनले आर्यललाई अन्तराष्ट्रिय लाइन जजको मान्यता दिएको थियो ।

ब्याडमिन्टन एसिया तथा ब्याडमिन्टन विश्व फेडेरेसनले मान्यता प्रदान गरेको अन्तराष्ट्रिय प्रतियोगितामा सहभागिता जनाईसकेका मिल्स एरिया विराटगर निवासी अर्याल नेपाल विधुत प्राधिकरणमा कार्यरत छन् ।