कतार विश्वकप : उद्घाटन खेल एकदिन अगाडी सर्न सक्ने

काठमाडौं । कतारमा आयोजना हुने फिफा विश्वकप फुटबलको उद्घाटन खेल एकदिन अगाडी सर्न सक्ने भएको छ ।

अर्जेन्टिनाको दैनिक पत्रिका डायरियो ओलेले कतार विश्वकपको उद्घाटन खेल एकदिन अगाडी सार्ने फिफाले तयारी गरेको जनाएको छ ।

​कतार विश्वकप आगामी नोभम्बर २१ देखि डिसेम्बर १८ सम्म आयोजना हुनेछ ।

कतार विश्वकपको उद्घाटन खेलमा आयोजक र इक्वेडरबीच प्रतिस्पर्धा हुनेछ । नोभेम्बर २१ मा हुने उद्घाटन खेल अल बायत स्टेडियममा हुनेछ ।

तर, फिफाले कतार र इक्वेडरबीचको उद्घाटन खेल नोभेम्बर २० मा गर्ने तयारी गरेको हो ।

यस्तै इंग्ल्यान्ड र इरान, सेनेगल र नेदरल्यान्ड्स तथा अमेरिका र वेल्सबीचको खेल भने नोभेम्बर २१ मै हुनेछ ।  

तर, खेल तालिका स्वीकृतिका लागि फिफा काउन्सिल ब्युरोबाट अनुमोदन हुनुपर्छ । जसका लागि भोटिङ हुन्छ । भोटिङमा फिफा अध्यक्ष जियानी इन्फान्टिनोसहित महादेशका अध्यक्षहरुले मतदान गर्न पाउने छन् ।