सान्चेजले छाडे इन्टर

काठमाडौं । चिलीका फरवार्ड एलेक्सिस सान्चेजले इटालियन क्लब इन्टर मिलान छाडेका छन् ।

इन्टरले सोमबार सान्चेजसँगको सम्झौता अन्त्य गरिएको जनाएको छ ।

इन्टरले आपसी समझदारीमा सान्चेजसँगको सम्झौता अन्त्य गरिएको जनाएको छ ।

फ्रेन्च क्लब मार्से जानका लागि फरवार्ड सान्चेजले इन्टर छाडेका हुन् ।

उनी मार्सेमा फ्री ट्रान्सफरमा अनुबन्धित हुने छन् ।

३३ वर्षीय फरवार्ड सन् २०१९ को अगष्टमा म्यानचेस्टर युनाईटेडबाट लोनमा इन्टर आएका थिए ।

एक सिजनपछि इन्टरले उनलाई स्थायी खेलाडीको रुपमा अनुबन्ध गरेको थियो ।

इन्टरका लागि सान्चेजले १ सय ९ खेलमा २० गोल गरेका छन् ।

इन्टरका लागि उनले तीन उपाधि हात पारेका थिए ।