बराबरीमा रोकियो युनाईटेड

काठमाडौं । प्रि-सिजन अन्तर्गतको मैत्रीपूर्ण खेलमा युनाईटेड बराबरीमा रोकिएको छ ।

घरेलु मैदानमा आइतबार राति युनाईटेड स्पेनिस क्लब रायो भालेकानोसँग १-१ गोलको बराबरीमा रोकिएको हो ।

ओल्ड ट्राफोर्डमा सुरुआती एक गोलको अग्रता जोगाउन नसक्दा युनाईटेडले बराबरी खेल्नु परेको हो ।  

खेलको ४८ औं मिनेटमा अमाद डियालोले गोल गर्दै युनाईटेडलाई अग्रता दिलाएका थिए ।

तर, खेलको ५७ औं मिनेटमा अल्भारो गार्सियाले गोल गर्दै पाहुना टोलीलाई १-१ गोलको बराबरीमा ल्याए ।

यस बराबरीसँगै युनाईटेडको प्रि-सिजन तयारी सकिएको छ ।