बार्सिलोनाको सहज जित

काठमाडौं । प्रि-सिजन टुर अन्तर्गतको मैत्रीपूर्ण खेलमा बार्सिलोनाले जित निकालेको छ ।

आइतबार बिहान भएको खेलमा बार्सिलोनाले एमएलएस क्लब न्युयोर्क रेड बुल्सलाई २-० गोल अन्तरले हराएको हो ।

बार्सिलोनालाई जित दिलाउन ओसुमाने डेम्बेले र मेम्फिस डिपेले एक एक गोल गरे ।

खेलको ४० औं मिनेटमा डेम्बेलेले गोल गर्दै टिमलाई सुरुआती अग्रता दिलाए ।

खेलको ८२ औं मिनेटमा डानिलले रातो कार्ड पाएपछि घरेलु टोली १० खेलाडीमा समेटियो ।

त्यसपछि खेलको ८७ औं मिनेटमा डिपेले गोल गर्दै बार्सिलोनालाई २-० को जित दिलाए ।