बार्सिलोना र युभेन्ट्सको बराबरी

काठमाडौं । प्रि-सिजन टुर अन्तर्गतको मैत्रीपूर्ण खेलमा बार्सिलोना र युभेन्ट्सले बराबरी खेलेका छन् ।

अमेरिकाको टेक्ससमा बुधबार बिहान बार्सिलोना र युभेन्ट्सले २-२ गोलको बराबरी खेलेका हुन् ।

प्रतिस्पर्धात्मक खेलमा सुरुआती अग्रता भने बार्सिलोनाले बनाएको थियो ।

खेलको ३४ औं मिनेटमा ओसुमाने डेम्बेलेले गोल गर्दै बार्सिलोनालाई सुरुआती अग्रता दिलाएका थिए ।

मोइस किनले ३९ औं मिनेटमा गोल गर्दै युभेन्ट्सलाई १-१ गोलको बराबरीमा ल्याए ।

खेलको ४० औं मिनेट डेम्बेलेले व्यक्तिगत दोस्रो गोल गर्दै बार्सिलोनालाई २-१ को अग्रता दिलाए ।

तर, खेलको ५१ औं मिनेटमा किनले व्यक्तिगत दोस्रो गोल गर्दै युभेन्ट्सलाई २-२ गोलको बराबरीमा फर्काएका थिए ।