इटालीलाई स्कटल्यान्डको विशाल लक्ष्य

काठमाडौं। स्कटल्यान्डले आईसीसी टी–२० विश्वकपमा इटालीविरुद्ध उत्कृष्ट प्रदर्शन गरेको छ।

कोलकाताको इडन गार्डेन्समा टस हारेर पहिला ब्याटिङ थालेको स्कटल्यान्डले निर्धारित २० ओभरमा ४ विकेट गुमाउँदै २०७ रनको बलियो स्कोर बनायो।

योसँगै इटालीले २०८ रनको लक्ष्य पछ्याउँदै जवाफी इनिङ्स खेल्नेछ। स्कटल्यान्डका जर्ज मन्सीले सानदार ब्याटिङ गर्दै ५४ बलमा ८४ रन बनाए। उनले १३ चौका र २ छक्का प्रहार गरे।

माइकल जोन्सले ३० बलमा ३७ रन जोडे। अन्त्यतिर ब्रान्डन म्याकमुलनले अविजित ४१ रन (१८ बल) र माइकल लिस्कले ५ बलमा विस्फोटक २२ रन बनाएर टोलीको स्कोर २०० पार गराए।

इटालीका अली हसन, ग्रान्ट स्टुअर्ट, थोमस ड्राका र जेजे स्मट्सले समान १–१ विकेट लिए।