डिफेन्डर डेभिसले गरे सम्झौता नवीकरण  

काठमाडौं । प्रिमियर लिग क्लब टोटेनहमका डिफेन्डर बेन डेभिसले क्लबसँगको सम्झौता नवीकरण गरेका छन् ।

टोटेनहमले सोमबार डिफेन्डर डेभिसले सम्झौता नवीकरण गरेको जनाएको छ ।

सम्झौता नवीकरणसँगै उनी २०२५ सम्म टोटेनहममा रहने छन् ।

२९ वर्षीय डिफेन्डर २०१४ मा स्वान्सीबाट टोटेनहम आएका थिए ।

वेल्सका डिफेन्डर डेभिसले टोटेनहमका लागि २ सय ७१ खेल खेलेका छन् ।

गत सिजन उनले कुल ४३ खेल खेलेका थिए ।

वेल्सका लागि उनले ७४ खेल खेलेका छन् ।