यू-१७ राष्ट्रिय फुटबल टिम छनोट मंगलबारबाट  

काठमाडौं । यू-१७ राष्ट्रिय पुरुष फुटबल टिमका लागि खेलाडी छनोट साउन १० गते मंगलबारबाट सुरु हुने भएको छ ।

अखिल नेपाल फुटबल संघ (एन्फा) ले यू-१७ छनोट मंगलबारबाट सुरु हुने जनाएको छ ।

यस अघि छनोट सोमबारबाट हुने जनाएको थियो ।

एन्फाले साफ यू-१७ च्याम्पियनसिप र एएफसी यू-१७ एसियन कप छनोटका लागि खुल्ला प्रतिस्पर्धाबाट खेलाडी छनोट गर्न लागेको हो । 

एन्फाले २०६२ साल पुस १६ पछि जन्म भएका खेलाडीलाई मात्र छनोटमा सहभागी गराईने जनाएको छ ।

श्रीलंकामा आयोजना हुने साफ यू-१७ आगामी सेप्टेम्बर ५ बाट हुनेछ ।

यस्तै भियतनाममा हुने यू-१७ एसियन कप छनोट अक्टोबर १ देखि ९ सम्म हुनेछ ।