केनको गोलको टोटेनहम विजयी

काठमाडौं । प्रि-सिजन अन्तर्गतको मैत्रीपूर्ण खेलमा टोटेनहमले जित निकालेको छ ।

शनिबार राति भएको खेलमा टोटेनहमले रेन्जर्सलाई २-१ गोल अन्तरले हराएको हो ।

टोटेनहमको जितमा ह्यारी केनले दुई गोल गरे ।

खेलको २१ औं मिनेटमा एन्टोनियोले गोल गर्दै रेन्जर्सलाई सुरुआती अग्रता दिलाएका थिए ।

तर,५० औं मिनेटमा केनले गोल गर्दै खेल १-१ को बराबरीमा ल्याए ।

त्यसपछि खेलको ५६ औं मिनेटमा केनले व्यक्तिगत दोस्रो गोल गर्दै टोटेनहमलाई २-१ को जित दिलाए ।