बराबरीमा रोकियो युनाईटेड  

काठमाडौं । प्रि-सिजन टुर अन्तर्गत भएको मैत्रीपूर्ण खेलमा म्यानचेस्टर युनाईटेडले एस्टन भिल्लासँग बराबरी खेलेको छ ।

अष्ट्रेलियाको पर्थमा शनिबार भएको मैत्रीपूर्णमा युनाईटेडले एस्टनसँग २-२ गोलको बराबरी खेलेको हो ।

दुई गोलको अग्रता जोगाउन नसक्दा युनाईटेड बराबरीमा रोकिएको हो ।

खेलको २५ औं मिनेटमा जाडोन सान्चोले गोल गर्दै युनाईटेडलाई सुरुआती अग्रता दिलाएका थिए ।

खेलको ४२ औं मिनेटमा म्याटी क्यासले आत्मघाती गोल गर्दा युनाईटेड २-० ले अघि रह्यो ।

तर, खेलको ४९ औं मिनेटमा लिओन बेलीले गोल गर्दै एस्टनलाई २-१ को स्थितिमा ल्याए ।

त्यसपछि खेलको इन्जुरी समयमा कलुम च्याम्बर्सले गोल गर्दै एस्टनलाई २-२ गोलको बराबरीमा ल्याए ।