जियानलुका वेस्ट ह्याममा अनुबन्धित हुँदै

काठमाडौं । इंग्लिस प्रिमियर लिग क्लब वेस्ट ह्यामले इटालियन स्ट्राइकर जियानलुका स्कामाकालाई अनुबन्ध गर्ने भएको छ ।

जियानलुका अनुबन्धको लागि वेस्ट ह्याम र इटालियन क्लब सासोउलोबीच सहमति बनेको बताईएको छ ।

२३ वर्षीय स्ट्राइकरलाई २३.५ मिलियन तिरेर वेस्ट ह्यामले अनुबन्ध गर्न लागेको हो ।

वेस्ट ह्यामले चौंथो खेलाडीको रुपमा उनलाई अनुबन्ध गर्ने भएको हो ।

जियानलुकाले गत सिजन ३६ खेलमा १६ सिरी ए गोल गरेका थिए ।

उनी दोस्रो सर्वाधिक गोलकर्ता बनेका थिए ।

इटालीका लागि उनले ७ खेल खेलिसकेका छन् ।