मानेलाई अफ्रिकन वर्ष खेलाडी अवार्ड

काठमाडौं । सेनेगलका फरवार्ड साडियो मानेले अफ्रिकन फुटबलर अफ द इयर अवार्ड प्राप्त गरेका छन् ।

कन्फेडेरेसन अफ अफ्रिकी फुटबल (काफ) ले बिहीबार राति मानेलाई अफ्रिकन फुटबलर अफ द इयर अवार्ड प्रदान गरेको हो ।

मोरक्कोको राजधानीमा आयोजित विशेष कार्यक्रममा मानेलाई अवार्ड प्रदान गरिएको हो ।

'यस अवार्डबाट सम्मानित हुन पाउदा ज्यादै नै खुशी लागेको छ,' अवार्ड पाएपछि मानेले भने,'म सेनेगलका जनतालाई धन्यवाद दिन चाहन्छु । यो ट्रफी म युवा र देशलाई डेडिकेट गर्न चाहन्छु ।'

३० वर्षीय मानेले सेनेगलकै गोलकिपर एड्वार्ड मेन्डी र इजिप्टका मोहमद सलाहलाई पछि पार्दै अवार्ड जितेका हुन् ।