केभिन चम्किदा सिटीको जित

काठमाडौं । प्रि-सिजन टुर अन्तर्गत अमेरिका भ्रमणमा रहेको प्रिमियर लिग क्लब म्यानचेस्टर सिटीले मैत्रीपूर्ण खेलमा जित निकालेको छ ।

टेक्ससमा बिहीबार बिहान भएको खेलमा सिटीले क्लब अमेरिका २-१ गोल अन्तरले हराएको हो ।

सिटीलाई जित दिलाउन केभिन डे ब्रुएनले दुई गोल गरे ।

क्लब अमेरिकाका हेनरी मार्टिनले एक गोल फर्काए ।

खेलको ३० औं मिनेटमा ब्रुएनले गोल गर्दै सिटीलाई सुरुआती अग्रता दिलाएका थिए ।

तर, ४३ औं मिनेटमा मार्टिनले गोल गर्दै क्लब अमेरिकालाई १-१ गोलको बराबरीमा ल्याए ।

त्यसपछि पहिलो हाफको इन्जुरी समयमा ब्रुएनले व्यक्तिगत दोस्रो गोल गर्दै सिटीलाई २-१ को जित दिलाए ।