डी मारिया युभेन्ट्स आउने पक्का

काठमाडौं । अर्जेन्टिनी मिडफिल्डर एन्जल डी मारिया इटालियन क्लब युभेन्ट्समा अनुबन्धित हुने पक्का भएको छ ।

मिडफिल्डर डी मारियाले युभेन्ट्ससँग एक वर्षको सम्झौता गर्ने भएका छन् ।

युभेन्ट्स र डी मारियाबीच एक वर्षे सम्झौताका लागि सहमति बनेको बताईएको छ ।

३४ वर्षीय डी मारियाले सिजनको अन्त्यसँगै फ्रेन्च क्लब पेरिस सेन्ट जर्मेन (पीएसजी) छाडेका थिए ।

डी मारिया सन् २०१५ मा म्यानचेस्टर युनाईटेडबाट पीएसजी आएका थिए ।

डी मारियाले सात सिजन क्लबमा बिताएर पीएसजी छाडेका हुन् ।

पीएसजीका लागि उनले २ सय ९४ खेलमा ९१ गोल गरेका छन् ।

यस्तै १ सय ११ असिस्ट गरेका छन् ।

पीएसजीका लागि उनले १८ उपाधि जितेका छन् ।