पाँचौं राष्ट्रिय स्केटबोर्ड प्रतियोगिता पोखरामा

काठमाडौं  । पाँचौं संस्करणको राष्ट्रिय स्केटबोर्ड प्रतियोगिता पोखरामा आयोजना हुने भएको छ ।

नेपाल स्केटिङ एन्ड स्केट बोर्डिङ संघको आयोजनामा हुने प्रतियोगिता असार ६ र ७ गते हुनेछ ।

पोखरा रंगशालामा रहेको अन्नपूर्ण स्केटपार्कमा आयोजना हुने प्रतियोगितामा १ सय जना पुरुष र ३० जना महिला खेलाडीले प्रतिस्पर्धा गर्ने छन् । 

प्रतियोगितामा स्ट्रीट स्केटबोर्ड र पार्क स्केटबोर्ड विधामा प्रतिस्पर्धा हुने संघका अध्यक्ष अच्युत खनालले जानकारी गराए ।

प्रतियोगिताको विजेताले १५ हजार, उपविजेताले १० हजार र तेस्रोले ५ हजार पाउने छन् ।