एकदिवसीय अन्तराष्ट्रियमा आदीलको डेब्यु

काठमाडौं ।  नेपालका युवा ब्याट्सम्यान आदील अन्सारीले एकदिवसीय अन्तराष्ट्रिय क्रिकेटमा डेब्यु गरेका छन् । 

आईसीसी पुरुष क्रिकेट विश्वकप लिग टुको त्रिकोणात्मक सिरिज  अन्तर्गत अमेरिकाविरुद्ध खेल्ने नेपाली टोलीको सुरुआती-११ मा पर्दै आदीलले एकदिवसीय अन्तराष्ट्रियमा डेब्यु गरेका हुन् ।

नेपालका कप्तान सन्दीप लामिछानेले आदीललाई डेब्यु क्याप दिए ।

आदील एकदिवसीय अन्तराष्ट्रियमा डेब्यु गर्ने नेपालका ३२ औं खेलाडी हुन् ।  

अमेरिकाविरुद्ध नेपालले सुरुआतमा ब्याटिङ गर्ने छ ।

टेक्ससस्थित मोसा क्रिकेट मैदानमा नेपालले टस जितेर पहिले ब्याटिङ रोजेको छ  ।