जर्मनीसँगको खेल अघि इंग्ल्यान्ड समर्थक पक्राउ

काठमाडौं । यूईएफए नेसन्स लिग फुटबल अन्तर्गत जर्मनी र इंग्ल्यान्डबीचको खेल अघि इंग्ल्यान्डका ७ जना समर्थक पक्राउ परेका छन् ।

जर्मनी र इंग्ल्यान्डबीचको खेल अघि म्युनिखमा ७ जना इंग्ल्यान्ड समर्थक पक्राउ परेको बीबीसीले जनाएको छ ।

पक्राउ परेका मध्ये ३ जना 'नाजी सलुट' गरेको आरोपमा रहेको बताईएको छ ।

जर्मनीविरुद्धको खेल हेर्न इंग्ल्यान्डका करिब ४ हजार समर्थक म्युनिख पुगेका थिए ।

जर्मनी र इंग्ल्यान्डबीचको खेल १-१ गोलको बराबरीमा सकिएको थियो ।