ग्रिष्मालाई एनआरएस कर्पोरेट फुटसलको उपाधि

काठमाडौं । दोस्रो संस्करणको एनआरएस कर्पोरेट फुटसलको उपाधि ग्रिष्मा मल्टिपर्पोज कोअपरेटिभ लिमिटेडले जितेको छ ।

एनआरएस स्पोर्टस् फाउण्डेसनको आयोजनामा शनिबार भएको फाइनलमा ज्याकीप्वाईन्ट हेल्थ प्रालिलाई ४-० गोल अन्तरले पराजित गर्दै ग्रिष्माले उपाधि जितेको हो ।

उपाधिसँगै ग्रिष्माले १ लाख प्राप्त गरेको छ । उपविजेता ज्याकीप्वाईन्टले ५० हजार प्राप्त गर्यो ।

लमटङ्गिनस्थित ढुकु फुटसलमा भएको प्रतियोगिताको उत्कृष्ट खेलाडी ग्रिष्माका संजोग श्रेष्ठ र उत्कृष्ट गोलकिपर ग्रिष्माकै संयोग बास्कोटा घोषित भए । उत्कृष्टले समान ५ हजार प्राप्त गरे ।

फेयर प्लेको उपाधि कुमारी टिम घोषित भयो ।

विजयी खेलाडीलाई प्रमुख अतिथी राष्ट्रिय खेलकुद परिषद्का सदस्य सचिव टंकलाल घिसिङले पुरस्कार वितरण गरेका थिए ।

प्रतियोगिताको उद्घाटन प्रतिनिधी सभाका साँसद् एवं नेपाल ओलम्पिक कमिटिका अध्यक्ष जीवन राम श्रेष्ठले गरेका थिए ।

प्रतियोगितामा २१ टिमको सहभागिता रहेको थियो ।